Minningarsjóður Magnúsar Más Kristjánssonar var stofnaður til að heiðra minningu Magnúsar Más, prófessors í lífefnafræði við Háskóla Íslands, sem lést langt fyrir aldur fram eftir stutta baráttu við krabbamein árið 2024.

Magnús Már hafði djúpstæð og varanleg áhrif á lífvísindasamfélagið á Íslandi – sem kennari, vísindamaður, leiðtogi og hugsjónamaður. Hann menntaði hundruð nemenda í lífefnafræði, efnafræði og líffræði, sem nú starfa víða innan líftæknigeirans og í háskólasamfélaginu. 

Tilgangur sjóðsins er að hvetja ungt fólk til náms og afburða í lífefna- og sameindalíffræði, með því að veita verðlaun og styrki sem endurspegla gildi og faglegar hugsjónir Magnúsar Más.