Þann 23. ágúst ætlar starfsfólk BBA//Fjeldco ásamt fjölskyldum sínum að taka þátt í Reykjavíkurmaraþoni Íslandsbanka. Í ár ætlum við að safna áheitum fyrir Minningarsjóð Ölla. 

Minningarsjóður Ölla var stofnaður til minningar um körfuknattleiksmanninn Örlyg Aron Sturluson sem lést af slysförum aðeins 18 ára gamall. Sjóðurinn hefur það að markmiði að styrkja börn til íþróttaiðkunar sem ekki eiga kost á því vegna bágrar fjárhagsstöðu foreldra eða umsjónarmanna. Sjóðurinn veitir styrki fyrir æfingagjöldum, búnaði og keppnis- og æfingaferðum.

Okkur þætti afar vænt um ef þið sæjuð ykkur fært að heita á hópinn og gefa þannig fleiri börnum tækifæri til að stunda íþróttir.