Í sumar eru fimm ár síðan Róbert Orri dó í móðurkvið. Róbert Orri var ekki einungis sonur foreldra sinna heldur á hann einnig þrjá bræður, ömmur, afa, frænkur, frændur, vini og vinkonur. Þetta litla ljós sem átti að fylgja okkur út lífið átti fullt af fólki í kringum sig sem elskaði hann og þess vegna syrgja hann allir - við syrgjum nefnilega svona sárt af því við elskum svo heitt.

Þessi hópur vill því hlaupa í minningu Róberts Orra en einnig fyrir öll hin litlu ljósin sem kvatt hafa alltof snemma. Við hlaupum þess vegna fyrir Gleym mér ei styrktarfélag sem hjálpar fjölskyldum að varðveita minningu litlu ljósanna sinna.

Litlir fætur marka djúp spor í hjörtum okkar allra.