Við systur ætlum að hlaupa 10 km í Reykjavíkurmaraþoninu til styrktar Von.

Von, félag til styrktar skjólstæðingum gjörgæsludeildar Landspítala í Fossvogi, var stofnað haustið 2007 af hjúkrunarfræðingum deildarinnar. Verkefni Vonar er fyrst og fremst að bæta aðstöðu skjólstæðinga deildarinnar og gera þeim kleift að vera í sem bestu mögulega umhverfi á erfiðum stundum. Von hefur m.a. fjármagnað húsgögn, svefnaðstöðu, sjónvörp, útvörp, tölvur og aðstöðu fyrir aðstandendur. Einnig veitir Von styrki til skjólstæðinga gjörgæsludeildarinnar sem oft hafa átt við alvarleg veikinda að etja. Að vera aðstandandi sjúklings á gjörgæsludeild er mikið álag, bæði líkamlegt sem andlegt og biðin eftir bata getur oft verið erfið og löng. 

VON leggur fyrst og fremst áherslu á að styðja við skjólstæðinga gjörgæsludeildarinnar og aðstandendur þeirra og létta undir því álagi sem alvarleg veikindi og gjörgæslulega geta haft í för með sér.