💙 Í ár hefði elsku Nói okkar orðið 10 ára.

Í tilefni af þeim tímamótum ætlum við Þórhalli að hlaupa saman í Reykjavíkurmaraþoninu og safna 100.000 kr. fyrir Gleym mér ei styrktarfélag.

Gleym mér ei hefur það mikilvæga hlutverk að styðja foreldra og fjölskyldur sem missa barn. Það er málefni sem stendur hjörtum okkar mjög nærri.

Hannes er því miður meiddur og getur ekki hlaupið með okkur í ár, en hann verður okkar stærsti stuðningsmaður á hliðarlínunni og hvetur okkur alla leið í mark. ❤️

Ef þú hefur tök á því yrðum við óendanlega þakklát ef þú gætir lagt söfnuninni lið. Engin upphæð er of lítil og hvert framlag skiptir máli.

Við hlaupum í minningu Nóa og til stuðnings öðrum fjölskyldum sem þurfa að ganga í gegnum ólýsanlegan missi.

Takk fyrir stuðninginn. 💙