Þjálfarateymi meistaraflokks Víkings ætlar að hlaupa saman í Reykjavíkurmaraþoninu til styrktar okkar manni, Ingvari Jónssyni.

Ingvar hefur verið algjör klettur í Víkingsfjölskyldunni og gefið félaginu okkar endalaust í gegnum árin. Nú er komið að okkur að sýna honum og hans fólki samstöðu og stuðning í verki.

Við hvetjum alla Víkinga, knattspyrnuunnendur og annað góðfúslegt fólk til að leggja okkur lið og styðja við söfnunina – öll framlög, stór sem smá, skipta sköpum!