Við erum fjórar vinkonur sem ætlum að hlaupa Reykjavíkurmaraþonið í ár til styrktar Alzheimersamtökunum 💜🏃‍♀️

Málefnið stendur okkur sérstaklega nærri þar sem við vinnum allar á Hjúkrunarheimilinu Eir í Grafarvogi, á 3. hæð sem er deild fyrir einstaklinga með Alzheimer og aðrar heilabilanir. Í gegnum vinnuna okkar höfum við fengið að kynnast sjúkdómnum, áhrifum hans á einstaklinga og fjölskyldur þeirra, en líka mikilvægi góðrar umönnunar, stuðnings og skilnings.

Við vitum hversu miklu máli það skiptir að auka fræðslu, styðja við rannsóknir og bæta þjónustu fyrir fólk með heilabilun og aðstandendur þeirra. Þess vegna viljum við leggja okkar af mörkum með því að hlaupa fyrir þetta mikilvæga málefni.

Við værum ótrúlega þakklátar fyrir allan stuðning, hvort sem það er með því að heita á okkur eða hvetja okkur áfram á leiðinni 💜