Starfsfólk Vökudeildar vill leggja sitt af mörkum til að safna fyrir Barnaspítalasjóð Hringsins til að hægt sé að endurnýja Cpap síblásturstæki deildarinnar sem eru komin til ára sinna.

Nýr búnaður gæti skipt sköpum!

Nánar um tækin: Þegar börn fæðast of snemma eru lungun oft ekki nógu þroskuð. Lungnablöðrur falla saman og vökvi safnast í lungun. Börnin eiga erfitt með að anda og þurfa stuðning við öndun. Meðferðin felst í því að gefa börnunum súrefni og síblástur ofan í lungun í gegnum nefið, sem stuðlar að því að halda lungnablöðrunum opnum og koma súrefni í blóðið. Kemur það oftast í veg fyrir að þau þurfi að fara á öndunarvél.