Ég hleyp til styrktar Píeta samtökunum sem sinna mikilvægu forvarnarstarfi gegn sjálfsvígum og sjálfsskaða, til heiðurs föður mínum, Óskari Jónssyni.

Starfsemi Píeta samtakanna byggir að stórum hluta á frjálsum framlögum. Með framlagi þínu er hægt að tryggja að þessi mikilvæga þjónusta haldi áfram að vera aðgengileg þeim sem þurfa á henni að halda.

Þessi málstaður er mér persónulega mikilvægur. Ég missti föður minn í sjálfsvíg árið 2008 og veit því hversu djúpstæð áhrif slíkir atburðir geta haft á aðstandendur. Með því að hlaupa vil ég leggja mitt af mörkum til að styðja við þetta mikilvæga starf.

Markmið mitt í ár er að safna 50.000 kr. Með þínu framlagi getum við komist nær því marki. Hægt er að heita á mig með því að ég klári hlaupið — hvert framlag skiptir máli.

Takk kærlega fyrir stuðninginn!