Ég ætla að hlaupa 10 km í Reykjavíkur maraþoninu fyrir Gleym-mér-ey.

Gleym-mér-ey er eitt af mörgum samtökum sem enginn vill vera hluti af en er svo einstaklega dýrmætt að sé til þegar maður þarf á því að halda.

Öll þekkjum við einhvern sem hefur misst fóstur á fyrstu vikum meðgöngu - mögulega oft, misst barn á meðgöngu, í fæðingu eða misst barn á unga aldri. Allt saman hræðilegt og Gleym-mér-ey er þarna til staðar, að grípa foreldrana og veita þá hjálp og aðstoð sem fólk þarfnast.

Sjálf missti ég á 14.viku og þurfti að leggjast inn í fæðingu í Gleym-mér-ey herberginu. Ég fékk kassa með armböndum (sem ég er enn með á mér í dag tæpum 2 árum seinna), kanínu böngsum, bæklingum fullum af upplýsingum og mörgu öðru fallegu og hjálplegu. Seinna meir þá skírði ég litla ljósið mitt Fjólu.

Ég vona að þið leggið mér lið og hjálpið mér að styrkja þessi fallegu samtök.

Berglind