Í starfi mínu á Reykjalundi fæ ég daglega að sjá hvernig endurhæfing getur breytt lífi fólks. Ég hef séð einstaklinga koma til okkar eftir alvarleg veikindi, slys eða langvarandi heilsuvanda og smám saman endurheimta styrk, sjálfstraust og trú á eigin getu.

Bak við hverja sögu eru áskoranir, vonir og markmið. Endurhæfing snýst ekki aðeins um líkamlega færni heldur einnig um að hjálpa fólki að komast aftur til  þess lífs sem það vill lifa.

Þess vegna hef ég ákveðið að hlaupa fyrir Reykjalund í ár.

Með því að heita á mig styður þú mikilvægt starf sem hjálpar fólki að byggja sig upp á ný þegar mest á reynir. Hver styrkur, stór eða smár, skiptir máli og hjálpar okkur að halda áfram að þróa og efla þjónustu sem hefur raunveruleg áhrif á líf fólks.

Ég væri afar þakklát fyrir stuðninginn.

❤️ Takk fyrir að hlaupa með mér í anda og styðja við mikilvægt málefni.