Mér finnst gaman að hlaupa með þessum skemmtilega hópi og um leið styðja við mikilvægt málefni. Alzheimersamtökin og starfsemi þeirra eru að mestu rekin á styrkjum og því skiptir miklu máli að safna áheitum og fjármagni til að halda þessu mikilvæga starfi áfram.

Ég hef séð með eigin augum hversu miklu þessi starfsemi skiptir fyrir fólk og fjölskyldur þeirra. Þess vegna finnst mér sjálfsagt að leggja mitt af mörkum og hlaupa til styrktar samtökunum.