Á síðasta ári breyttist lífið hjá okkur þegar barn okkar greindist með krabbamein.

Á þeim tíma kynntumst við Styrktarfélagi krabbameinssjúkra barna, SKB. Félagið hefur veitt fjölskyldu okkar ómetanlegan stuðning á erfiðum tímum og hjálpað okkur þegar við þurftum mest á því að halda.

Þess vegna langar mig nú að leggja mitt af mörkum og safna fyrir starfsemi SKB svo félagið geti áfram stutt fjölskyldur sem standa frammi fyrir sömu áskorunum.

Til að vekja athygli á söfnuninni ætla ég að hlaupa með þyngdarvesti. Fyrir hverjar 20.000 krónur sem safnast bætist eitt kíló við vestið. Á hverju kílói verða nöfn þeirra sem leggja sitt af mörkum.

Ef tveir einstaklingar leggja til 10.000 krónur hvor verða nöfn þeirra saman á einu kílói o.s.fr. Þannig mun ég bera nöfn styrktaraðila með mér hvert skref á leiðinni. Ef til þess kemur er hámarkið 30 kg því vestið tekur ekki meira en skal finna einhverjar aðrar lausnir eftir það. 

Markmiðið er ekki aðeins að safna fjármunum heldur einnig að minna á að engin fjölskylda á að þurfa að standa ein þegar barn greinist með krabbamein.

Með stuðningi þínum getur SKB haldið áfram að veita fjölskyldum von, stuðning og aðstoð þegar mest á reynir.

Takk fyrir að vera með í ferðinni.