Hlauparar
Samtals Safnað
Markmið
Ákjósanleg greiðsluleið
Það er ekki langt síðan ég heyrði fyrst talað um Endometriosis eða legslímuflakk. Þetta er þó kallað endó í daglegu tali og er í raun hætt að notast við legslímuflakk.
Þetta er sjúkdómur sem hrjáir um 10% kvenna eða um 10-12 þúsund konur hér á landi. Þannig það eru miklar líkur að þú þekkir konu sem þjáist af endó.
Einkenni sjúkdómsins geta verið gríðarlegir verkir, verkir sem ég sem karlmaður hef ekki skilning á en einnig ófrjósemi sem er annarskonar sársauki sem er einnig erfitt að skilja.
Ég ákvað að hlaupa fyrir Endó þar sem ég tel mikilvægt að auka fræðslu um endó en einnig styðja við þau til að geta veitt stuðning til þeirra sem þurfa á hjálp að halda.
Endósamtökin
Um 10% fólks sem fæðist með leg er með endómetríósu eða um 176 milljónir í heiminum. Endómetríósa er ekki bara slæmir túrverkir. Sjúkdómnum geta fylgt miklar kvalir og ýmsir erfiðir fylgikvillar, þar á meðal meltingarvandræði og ófrjósemi. Meðalgreiningartími er 7-8 ár. Stuðningur og fræðsla er meginverkefni Endósamtakanna. Samtökin vinna ötullega að því að fræða almenning og heilbrigðisstarfsfólk um sjúkdóminn. Margt fólk með endómetríósu finnur fyrir vantrú annarra og þarf enn þann dag í dag að berjast fyrir viðurkenningu á líðan sinni og einkennum.
Nýir styrkir
