Árið 2022 fann ég mig á stað sem ég hefði aldrei getað ímyndað mér. Ég glímdi við alvarlegt þunglyndi og sjálfsvígshugsanir og á endanum þurfti ég að leita mér hjálpar. Þetta var myrkasti kafli lífs míns.

Á þeim tíma sá ég enga leið fram á við. En með stuðningi heilbrigðisstarfsfólks, fjölskyldu minnar, vina og Píeta samtakanna fór vonin smám saman að kvikna á ný.

Í dag er ég unnusti, faðir, sálfræðingur og óendanlega þakklátur fyrir að vera á lífi. Að hlaupa Reykjavíkurmaraþonið er mín leið til að gefa til baka og leggja mitt af mörkum svo þeir sem glíma við andlega erfiðleika viti að þeir eru ekki einir.

Andleg veikindi geta haft áhrif á hvern sem er. Bati er mögulegur og hjálp getur bjargað mannslífum.

Þann 22. ágúst mun ég hlaupa Reykjavíkurmaraþonið til styrktar Píeta Samtökin. Ef þú hefur tök á því vona ég innilega að þú heitir á mig og styðjir þetta mikilvæga málefni. Hvert framlag, stórt sem smátt, skiptir máli og hjálpar Píeta að veita fólki von þegar það þarf mest á henni að halda.

Takk fyrir stuðninginn 💛