Í ágúst ætla ég að hlaupa 10 km í Reykjavíkurmaraþoninu til styrktar Bjarkarhlíð.

Ég valdi Bjarkarhlíð vegna þess að ég hef sjálf fengið þar stuðning og aðstoð á erfiðum tíma í lífi mínu. Sú hjálp skipti mig miklu máli og þess vegna langar mig að gefa eitthvað til baka og styðja við þetta mikilvæga starf.

Bjarkarhlíð veitir einstaklingum sem hafa orðið fyrir ofbeldi og erfiðum áföllum ráðgjöf, stuðning og leiðsögn. Þar starfar fólk sem hjálpar öðrum að finna styrk og leið áfram þegar mest á reynir.

Með því að styrkja hlaupið mitt ert þú að styðja við þessa mikilvægu þjónustu og hjálpa til við að tryggja að fleiri geti fengið þá aðstoð sem þeir þurfa.

Öll framlög, stór sem smá, eru innilega vel þegin. Takk fyrir stuðninginn ❤️