Hlauparar
Samtals Safnað
Ákjósanleg greiðsluleið
Ég geng fyrir...
- 💛 ...sjálfa mig.
- 💛 ...dóttur mína.
- 💛 ...meiri fræðslu.
- 💛 ...þær sem geta það ekki í dag.
- Ég geng fyrir okkur allar sem hafa fengið að heyra:
„Þetta eru bara slæmir túrverkir.“
Í ár geng ég 10 km í Reykjavíkurmaraþoninu til styrktar Endósamtökunum.
Sem leikskólakennari með áherslu á forvarnir í kennslu hef ég alla tíð trúað því að fræðsla geti breytt lífi til hins betra. Þess vegna brenn ég fyrir því að kennarar, þjálfarar, námsráðgjafar og allt það fólk sem starfar með börnum og ungmennum fái aukna þekkingu á endómetríósu.
Alltof margar ungar konur og kvár hafa lifað með miklum verkjum sökum endó án þess að fá skilning eða rétta aðstoð. Margar bíða árum saman eftir greiningu á meðan þær fá að heyra að verkirnir séu eðlilegir.
Ég trúi því að aukin fræðsla geti stuðlað að því að einkenni séu þekkt fyrr, að ungt fólk fái stuðning fyrr og að enginn þurfi að upplifa vantrú eða þjást í hljóði.
Þess vegna geng ég
Fyrir aukna vitund.
Fyrir fræðslu.
Fyrir samfélag sem hlustar.
Ef þú getur lagt söfnuninni lið, stórt eða smátt, skiptir það máli.
Saman getum við aukið fræðslu, stuðning og von fyrir fólk með endómetríósu.
Það væri gaman að fá þig með í gönguna, eða styrkja okkur og vera þannig hluti af þessari vegferð. 💛
Endósamtökin
Um 10% fólks sem fæðist með leg er með endómetríósu eða um 176 milljónir í heiminum. Endómetríósa er ekki bara slæmir túrverkir. Sjúkdómnum geta fylgt miklar kvalir og ýmsir erfiðir fylgikvillar, þar á meðal meltingarvandræði og ófrjósemi. Meðalgreiningartími er 7-8 ár. Stuðningur og fræðsla er meginverkefni Endósamtakanna. Samtökin vinna ötullega að því að fræða almenning og heilbrigðisstarfsfólk um sjúkdóminn. Margt fólk með endómetríósu finnur fyrir vantrú annarra og þarf enn þann dag í dag að berjast fyrir viðurkenningu á líðan sinni og einkennum.
Nýir styrkir
