Ég þekki starfsemi Bjartrar Sýnar vel, enda hef ég heimsótt munaðarleysingjahælið sem þau reka í Kenía. Þar sá ég með eigin augum það ótrúlega starf sem unnið er á hverjum degi. Börnin sem koma þangað eiga að baki sára reynslu, mörg þeirra koma frá brotnum heimilum, úr mikilli fátækt og sum þeirra voru beitt hræðilegu ofbeldi.  Á Takk heimilinu fá þau ekki bara grunnþörfum eins og mat og húsnæði mætt, heldur fá þau raunveruleg tækifæri til framtíðar í gegnum menntun og iðnnám. Mikilvægast af öllu er að á Takk heimilinu eru þau umvefin kærleik og hlýju sem byggir þau upp.

Eitt af því sem heillaði mig mest í heimsókninni var karatedellan á heimilinu! Krakkarnir æfa af gríðarlegu kappi. Á hverju ári hafa þau ferðast á karate-mót í Rúanda sem er hápunktur æfingatímabilsins.  Söfnunin í ár fer beint í að fjármagna næstu keppnisferð þeirra þangað.