Hlauparar
Samtals Safnað
Markmið
Ákjósanleg greiðsluleið
Einhverfusamtökin urðu fyrir valinu því málefnið stendur mér og fjölskyldunni minni mjög nærri. Ég sjálf er einhverf og á hverjum degi sést hversu mikilvægt það er að búa í samfélagi þar sem ríkir skilningur, virðing og stuðningur við einhverft fólk og fjölskyldur þeirra.
Einhverfusamtökin vinna ómetanlegt starf við að veita fræðslu, ráðgjöf og stuðning, auk þess að vera öflugur málsvari fyrir réttindum einhverfra. Sú vinna skiptir sköpum fyrir margar fjölskyldur, þar á meðal okkar.
Þegar við mamma ákvaðum að taka þátt í Reykjavíkurmaraþoninu fannst okkur ekkert málefni eiga betur við. Með hlaupinu mínu vill ég leggja mitt af mörkum til að fleiri fái þann stuðning og skilning sem getur skipt sköpum.
Ég vona að þú viljir heita á mig og styðja þetta mikilvæga málefni. Hvert framlag, stórt sem smátt, hjálpar Einhverfusamtökunum að halda áfram sínu mikilvæga starfi og stuðla að samfélagi þar sem einhverft fólk fær að njóta sín á eigin forsendum.
Takk kærlega fyrir stuðninginn.
Einhverfusamtökin
Einhverfusamtökin fta., voru stofnuð 1977. Í samtökunum er fólk á einhverfurófi, foreldrar, fagfólk og aðrir sem áhuga hafa á að beita sér fyrir bættri þjónustu við einhverfa. Félagsmenn eru nú 1256. Starfandi eru frístundahópar fyrir unglinga og stuðningshópar fyrir fullorðna bæði Höfuðborgarsvæðinu og á Akureyri. Á höfuðborgarsvæðinu eru einnig starfandi borðspilahópur og handavinnuhópur fyrir fullorðið einhverft fólk. Einnig er starfandi stuðningshópur fyrir foreldra. Samtökin hafa lagt ríka áherslu á hagsmunagæslu, fræðslu- og kynningarstarfsemi. Helstu baráttumálin eru styttri biðlistar eftir greiningu, aukin atvinnutækifæri og fleiri búsetuúrræði. Einhverfusamtökin eru með skrifstofu í Reykjavík.
Nýir styrkir
