Ég heiti Hekla Rakel og er stolt frænka Elmars besta litla frænda míns sem ég sakna svo rosalega mikið. Ég ætla að hlaupa til minningar um hann og fyrir Úlf stóra bróðir hans og besta vin minn. Ég var svo spennt þegar Elmar og Úlfur fluttu til Íslands og fannst svo gaman að vera með þeim. Elmar vildi oft koma til mín og vera í fanginu mínu enda var ég alltaf að sýna honum allskonar sem hann hafði gaman af. Ég sakna hans mikið og hleyp hvert einasta skref fyrir hann. Ég vona að einhver vilji heita á mig og í leiðinni styrkja minningarsjóð Elmars Péturssonar sem ætlar m.a. að vekja athygli á LongQT 1 Syndrome sem Elmar var með og gerði að verkum að ég fæ aldrei að leika við hann aftur. Takk fyrir.