Hlauparar
Birna Marín Aðalsteinsdóttir
Hleypur fyrir Börn með krabbamein og er liðsmaður í Fyrir Elvíru Maríu
Samtals Safnað
Markmið
Ákjósanleg greiðsluleið
Í ár hleyp ég hálfmaraþon með hlaupahópi til minningar um Elvíru Maríu, sem lést úr krabbameini aðeins 2,5 árs gömul. Þótt ég hafi ekki þekkt Elvíru Maríu persónulega, þá vinn ég með Sigrúnu móður hennar og í litlu samfélagi snerta svona sorgarsögur okkur öll. Það er mér mikill heiður að fá að hlaupa í minningu hennar.
Ég hleyp til stuðnings börnum með krabbamein. Krabbamein hefur líka snert fólk sem stendur mér nærri. Fyrir nokkuð mörgum árum lést elsku besta Auður Bryndís besta vinkona Freydísar eftir hetjulega baráttu við sjúkdóminn. Þó árin líði lifa minningarnar áfram og minna okkur á hversu dýrmætt lífið er. Munum að njóta hvers dags með fólkinu sem við elskum.
Ef þú hefur tök á því myndi ég verða innilega þakklát fyrir að styrkja þetta mikilvæga málefni. Saman getum við hjálpað til við að veita krabbameinsveikum börnum og fjölskyldum þeirra stuðning og von. ❤️
Börn með krabbamein
Börn með krabbamein, styrktarfélag var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð. Hvatningarstöð félagsins er vestan við Olís-stöðina í Ánanaustum. Sjá viðburðinn: Hvatningarstöð Barna með krabbamein í Reykjavíkurmaraþoni 2026 https://www.facebook.com/events/1084584477472968
Nýir styrkir
