Ég ætla að labba 3 km í skemmtiskokkinu í Reykjavíkurmaraþoninu með mínu besta fólki.

Ég er nýlega hættur að nota hækjur dagsdaglega, nema þegar um lengri vegalengdir er að ræða, og markmiðið mitt er að reyna að klára þessa 3 km hækjulaus. Það verður klárlega áskorun, en áskorun sem ég ætla að taka! 💪

Ég er svo heppinn að fá lyf við þessum skelfilega sjúkdómi sem hefur hangið yfir mér síðastliðið ár. Þess vegna langar mig að nota þetta tækifæri til að safna fyrir MND félag Íslands og styrkja þannig þau sem eru ekki jafn heppin og ég, ásamt fjölskyldum þeirra og aðstandendum.

Síðastliðið ár hefur verið ansi mikið upp og niður. En í gegnum þetta allt hef ég verið ótrúlega heppinn með fólkið í kringum mig sem hefur staðið þétt við bakið á mér og elsku Írenu minni í gegnum allt þetta ævintýri. 💙

Þannig að nú er stefnan sett: 3 km, vonandi án hækja, fyrir gott málefni.

Ef þið hafið tök á að styrkja MND félag Íslands í leiðinni, sama hversu lítið eða mikið, þá væri það ómetanlegt. ❤️

Sjáumst á marklínunni!