Hlauparar

Sylvía Rún Hálfdanardóttir
Hleypur fyrir Börn með krabbamein og er liðsmaður í Team Abra
Samtals Safnað
Markmið
Ákjósanleg greiðsluleið



Ég hleyp fyrir litla frænda minn, Kristján Leó, og öll þau börn sem þurfa að berjast við þennan ósanngjarna sjúkdóm ❤️
Maraþon er eitthvað sem ég hélt í raun að ég myndi aldrei geta gert. En þegar ég á erfiðan dag minni ég mig á litla frænda minn, Kristján, og allt það ólýsanlega krefjandi sem hann hefur þurft að takast á við án þess að hafa nokkurn tímann valið það. Það gefur mér auka styrk til að tækla þessa 42 km ❤️
Ég væri heldur ekki að fara að klára þetta hlaup án Báru systur minnar, sem hefur verið kletturinn minn í þessu æfingarferli síðustu mánuði. Hlakka svo til að hlaupa með þér ❤️
Stressuð, spennt og allt þar á milli mun ég hlaupa. Þakklát fyrir að geta það og fyrir að fá að leggja mitt af mörkum fyrir þetta mikilvæga styrktarfélag. 💕
Börn með krabbamein
Börn með krabbamein, styrktarfélag var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð. Hvatningarstöð félagsins er vestan við Olís-stöðina í Ánanaustum. Sjá viðburðinn: Hvatningarstöð Barna með krabbamein í Reykjavíkurmaraþoni 2026 https://www.facebook.com/events/1084584477472968
Nýir styrkir












