Hlauparar
Kjartan Þór Ingason
Hleypur fyrir Samtökin '78 - félag hinsegin fólks á Íslandi
Samtals Safnað
Markmið
Ákjósanleg greiðsluleið
Ég ætla að hlaupa 10 kílómetra fyrir Samtökin 78 í Reykjavíkurmaraþoninu.
Mannréttindi verða ekki til af sjálfu sér og Samtökin 78 hafa um áratugaskeið barist fyrir frjálsu og litríku samfélagi þar sem allir geta lifað lífinu eins og þau eru.
Það var ómetanlegt að mæta í fyrsta skiptið í ungliðastarfið 16 ára gamall, finna stuðning annarra í svipaðri stöðu og öðlast kjark til að standa með sjálfum sér.
Baráttunni er hvergi nær lokið og bakslag síðustu ára undirstrikar að framfarir og bætt samfélagslegt öryggi hinsegin fólks geta fölnað ef ekki er haldið rétt á spilunum.
Margt smátt gerir eitt stórt og ég vil leggja mitt af mörkum og styðja Samtökin 78 til góðra verka.
Samtökin '78 - félag hinsegin fólks á Íslandi
Samtökin ‘78 eru félag hinsegin fólks á Íslandi. Við veitum fræðslu um hinsegin málefni í skólum og á vinnustöðum, veitum ókeypis ráðgjöf til hinsegin fólks og aðstandenda, berjumst fyrir réttarbótum með bættri lagasetningu, veitum hinsegin hælisleitendum stuðning, höldum viðburði þar sem hinsegin fólki og hinsegin menningu er fagnað og svo ótal margt fleira. Það eina sem setur starfi okkar mörk er skortur á fjármagni og þess vegna viljum við biðja þig að safna áheitum fyrir Samtökin ‘78 í ár. Vertu með okkur í liði! Gerum Ísland að enn betri stað fyrir allt hinsegin fólk. Öll þau sem hlaupa fyrir Samtökin ‘78 í ár fá glæsilega hlaupasokka og eintak af Hamingjuhlaups bolnum gullfallega. Eftir að hlaupinu lýkur verður öllum þeim sem tóku þátt fyrir okkur boðið í skemmtilegt eftirpartý við höfuðstöðvar Samtakanna við að Suðurgötu 3.
Nýir styrkir
