Ég hef ákveðið að fórna mér í 10 km hlaup þann 22.ágúst næstkomandi. Markmiðið er að komast í mark á betri tíma en í fyrra og efast ég um að það verði mjög erfitt. Rokið á kílómetra 7 norðan megin á Nesinu brenndi orkunni svo hratt að ég þurfti að labba 95% af þessum 3 kílómetrum sem eftir voru (ég náði að skokka 300 metra nálægt marki).

Það sem tókst þó var að safna pening fyrir Alzheimersamtökin og ætla ég að endurtaka leikinn. Þau hafa aðstoðað fjölskyldu mína í þessu erfiða verkefni sem Alzheimer er. Ég hleyp fyrir tengdapabba minn og fjölskyldu og þakka um leið samtökunum fyrir ómælda aðstoð.