Hlauparar

Samtals Safnað
Markmið
Ákjósanleg greiðsluleið
Á árinu 2020 varð ég fyrir alvarlegu umferðarslysi þegar ölvuð kona ók á mig. Síðan þá hef ég verið í þrotlausri endurhæfingu og í sjúkraþjálfun að staðaldri. Eitt af markmiðum mínum var að geta hlaupið aftur 10 km, en það virtist ómögulegt eftir áreksturinn vegna áverka á mjóbak, vinstri mjöðm og hægra hné. Með markvissari æfingum, þekkingaleit og einstakri sjúkraþjálfun hjá þaulreyndum utanvegahlaupara hef ég náð þeim árangri að geta skráð mig í 10 km hlaup í Reykjavíkurmaraþoninu. Mig langar til að styðja við verðugt málefni og valdi Alzheimersamtökin. Ástæðan fyrir vali mínu er einstakur maður, Þorsteinn Ólafsson, sem ég kynntist fyrir 5 árum síðan. Fyrr í sumar lést hann af völdum þessa hræðilega sjúkdóms. Þorsteinn lét gott af sér leiða, ekki síst í þágu langveikra barna. Hann tók sjálfur þátt síðustu æviárin í Reykjavíkurmaraþoninu þrátt fyrir að glíma sjálfur við erfið veikindi. Fjölskylda Þorsteins, ekki síst dætur hans, hafa jafnframt opnað augu mín fyrir þeim áskorunum, sem bíða þeirra, sem þurfa að glíma við sjúkdóminn og aðstandenda þeirra. Blessuð sé minning Þorsteins Ólafssonar.
Heilahjálp (áður Alzheimersamtökin)
Heilahjálp - samtök um heilabilun (áður Alzheimersamtökin) er félag einstaklinga með heilabilun og aðstandenda þeirra.
Nýir styrkir












