Ræst verður frá Sóleyjargötu en þátttakendur koma í mark í Lækjargötu eins og venjan er. Þátttakendum er bent á að raða sér upp á Skothúsvegi fyrir hlaup. Þau bílastæði sem næst eru svæðinu eru við Háskóla Íslands, Norræna húsið og Þjóðarbókhlöðuna. Hér að neðan má sjá kort af rás- og marksvæðinu.

Þátttakendur í öllum vegalengdum koma til með að hlaupa á mismunandi hraða. Þar sem fjöldi er mikill og til að forðast þrengsli í upphafi og árekstrum og frammúrtöku á fyrstu km, er mikilvægt að þátttakendur áætli hlaupahraða sinn og finni viðeigandi hraðahólf.

Merkingar á staðnum verða með þeim hætti að hvert hólf verður afmarkað með skilti í ákveðnum lit með áætluðum loka tíma.

Rauða hraðahólfið er fyrir keppnishlaupara sem eiga möguleika á að vera í fremstu sætum í sinni vegalengd og eiga tíma sem er minni en 1:35 í hálfu maraþoni eða minni en 40 mínútur í 10 km hlaupi. Næst hraðastir fara í blátt hólf, síðan svart, svo hvítt og að lokum fjólublátt. Til þess að gæta öryggis allra þátttakenda þurfa þeir sem eru í hjólastól með og án fylgdarmanna og þeir sem hlaupa 10 km á meira en 65 mínútum, að hefja hlaup í aftasta hólfi. Þeir sem búa ekki yfir reynslu til að geta metið áætlaðan hraða sinn er einnig bent á að staðsetja sig í aftasta hólfi.

Í 10 km hlaupi er miðað við lokatíma á 10 mínútna bili í hverju hólfi. Maraþon og hálfmaraþon er ræst á sama tíma og blandast þátttakendur í hólfum án tillits til vegalengdar. Merking hólfa á við lokatíma í hálfmaraþoni. Þeir sem hlaupa maraþon taka mið af því út frá eigin markmiðum.

Athugið að flögutímataka er í hlaupinu og því fá allir hlauparar sinn persónulega tíma frá því þeir fóru yfir marklínuna og þangað til þeir komu í mark. Sjá nánar um tímatöku hér.

Hraðastjórar verða staðsettir innan hraðahólfa, í vesti merkt með ákveðnum tíma og blöðrur þannig að auðveldara sé að finna þá í hópnum.

Nöfn hraðastjóra og tímar eru eftirfarandi:

Vignir Már Lýðsson
Einar Sigurjónsson

Rás- og marksvæði

Samstarfsaðilar