Reykjavíkurmaraþon Íslandsbanka og DICK’S Sporting Goods Pittsburgh Marathon hafa hafið nýtt alþjóðlegt samstarf sem tengir saman tvo einstaka hlaupaáfangastaði. Markmið samstarfsins er að hvetja hlaupara til að upplifa bæði mótin og uppgötva ólíkar borgir í gegnum sameiginlega ástríðu fyrir hlaupum.
Pittsburgh Marathon fer fram sunnudaginn 3. maí 2026 sem hluti af heilli hlaupahátíð helgarinnar 2.–3. maí, þar sem tugir þúsunda hlaupara taka þátt í fjölbreyttum vegalengdum. Brautin liggur yfir sögulegar brýr borgarinnar, meðfram ánum þremur og í gegnum lífleg hverfi þar sem áhorfendur skapa einstaka stemningu fyrir hlaupara.
Reykjavíkurmaraþon Íslandsbanka býður hins vegar upp á einstaka hlaupaupplifun í nyrstu höfuðborg heims, þar sem hlauparar fara um litrík hverfi, meðfram sjávarsíðunni og njóta þeirrar miklu stemningar sem íbúar borgarinnar skapa á hlaupadegi.
Sem systramaraþon munu viðburðirnir vinna saman að því að kynna borgirnar sem spennandi hlaupaáfangastaði og hvetja hlaupara til að “hlaupa Pittsburgh, upplifa Reykjavík, eða öfugt.”
👉 Skráning í DICK’S Sporting Goods Pittsburgh Marathon:
https://www.thepittsburghmarathon.com/
