Hálfmaraþon - 21,1 km

Hlaupið hefst eins og aðrar vegalengdir Reykjavíkurmaraþons í Sæmundargötu fyrir neðan Háskóla Íslands og endar í Geirsgötu fyrir framan Kolaportið. Hlaupið er um eftirfarandi götur og stíga:

Sæmundargata, Eggertsgata, Suðurgata, Lynghagi, Ægisíða, Nesvegur, Suðurströnd, Lindarbraut, Norðurströnd, Eiðsgrandi, Ánanaust, Fiskislóð, Hólmaslóð, Grandagarður, Mýrargata, Tryggvagata, Grófin, Vesturgata, Aðalstræti, Kirkjustræti, Tjarnargata, Vonarstræti, Lækjargata, Hverfisgata, Ingólfsstræti, Skúlagata, Faxagata, Sæbraut í austur, snúið við Sægarða, Sæbraut í vestur, göngustígur milli Hörpu og Edition hótels, Austurbakki, Miðbakki, Suðurbugt og Geirsgata. Hlaupaleiðin er mæld samkvæmt stöðlum AIMS (alþjóðleg samtök hlaupa).

Í hálfmaraþoninu eru í heildina 5 drykkjarstöðvar. Fyrstu tvær eru fyrir hlaupara í maraþoni, hálfmaraþoni og 10 km, en þær eru við Suðurströnd og Eiðsgranda, næst eru tvær á Sæbraut, sú fyrri við Aktu Taktu og seinni á gatnamótum Sundagarða og Sæbrautar með Gatorade og vatni. Síðasta stöðin í marki við Hafnartorg í Geirsgötu.

Öll sem eru 15 ára eða eldri geta skráð sig og tekið þátt í hálfmaraþoni Reykjavíkurmaraþons Íslandsbanka. Ekki er mælt með því að óvanir hlauparar taki þátt í þessari vegalend, enda ekki á allra færi að hlaupa rúman 21 kílómeter. Athugið að tímatakmörk í hlaupinu er 6 og hálf klukkustund en þau sem eru enn á Sæbraut til austurs verða beðin um að færa sig yfir gangstíg eftir 3 tíma.

Innifalið í miðaverði er fjölbreytt þjónusta, sem tryggir hlaupurum einstaka upplifun. Hér má finna nánari upplýsingar um þá þjónustu sem veitt er á hlaupdegi fyrir allar vegalengdir

Vantar þig fleiri upplýsingar um Reykjavíkurmaraþonið? Svör við algengum spurningum má finna hér.