MS-félag Íslands er hagsmunafélag einstaklinga með MS, stofnað 20. september 1968. 

Tilgangur félagsins er að vinna að velferð þeirra sem haldnir eru MS-sjúkdómnum með því að veita þeim og aðstandendum þeirra stuðning og stuðla að öflugri félags- og fræðslustarfsemi. Félagið er málsvari félaga gagnvart hinu opinbera og öðrum aðilum.

Þau sem vilja styrkja félagshópinn Skell fyrir ungt/nýgreint fólk með MS geta tekið það fram í lýsingu og renna þá áheitin til Skells.

Við erum með facebook hóp fyrir hlaupara sem hlaupa fyrir félagið í Reykjavíkurmaraþoni Íslandsbanka, Hlaupahópur MS-félags Íslands. Gaman væri að sjá sem flesta hlaupara þar inni. Þar getum við komið ýmsum skilaboðum á framfæri, svo sem hvar við verðum staðsett til að hvetja ykkur áfram á hlaupdegi ofl.

Hvatningarstöðin okkar er við Olís úti á Granda og við erum líka með hvatningarstöð í skemmtiskokkinu á horninu við Ráðhús Reykjavíkur.

Hlauparar sem hlaupa fyrir MS-félagið og/eða Skell (félagshópur ungra/nýgreindra með MS) fá dry-fit hlaupabol sem þakklætisvott fyrir stuðninginn

Bolir félagsins eru fjólubláir með merki félagsins og bolir Skells eru svartir með merki Skells og félagsins.

Þinn styrkur er okkar stoð!