Í ár mun Minningarsjóðurinn styrkja Alzheimarsamtökin, hverra yfirlýst markmið er að gæta hagsmuna skjólstæðinga sinna og efla samvinnu og samheldni aðstandenda með fræðslufundum og útgáfustarfsemi. Auka skilning stjórnvalda, heilbrigðisstétta og almennings á þeim áskorunum sem einstaklingar með heilabilun og aðstandendur þeirra glíma við frá degi til dags.

Þessum markmiðum ná samtökin með því að halda úti öflugu ráðgjafa- og fræðslustarfi s.s. með reglulegum fræðslufundum sem streymt er á netinu, fræðslu til stofnana og fyrirtækja og með því að halda úti öflugri vefsíðu og samfélagsmiðlum. Einnig er starfrækt ráðgjafaþjónustu fyrir bæði einstaklinga og fjölskyldur.

Alzheimersamtökin reka tvær sérhæfðar dagþjálfanir auk þess sem þau reka Seigluna – þjónustumiðstöð fyrir fólk sem skammt er gengið með sinn sjúkdóm og aðstandendur þeirra.

Amma hans Hlyns greindist með Alzheimer sjúkdóminn fyrir ekki svo löngu síðan og viljum við að söfnunin í ár verði í þeirra nafni.