Félag áhugafólks um Downs-heilkenni var stofnað árið 1997. Tilgangur félagsins er að stuðla að velferð og réttindum einstaklinga með Downs-heilkenni og standa að fræðslu til félagsmanna og almennings. Markmið félagsins er að efla tengsl og samkennd milli félagsmanna og vera vettvangur þar sem fjölskyldur og aðstandendur koma saman, miðla af reynslu sinni og hafa gaman! Félagið stendur fyrir ýmsum viðburðum, bæði sjálfstætt og í samvinnu við aðra. Má þar nefna fræðslufundi, ráðstefnur og skemmtanir. Heimasíða félagsins er www.downs.is og nýlega var sett á laggirnar facebook-síða félagsins. Allt starf félagsmanna í þágu félagsins er unnið í sjálfboðavinnu.