CLF á Íslandi styður við menntun stúlkna og ungs fólks í Úganda sem koma úr erfiðum félagslegum aðstæðum svo sem vegna fátæktar, foreldramissis eða annarra ástæðna. Samtökin styðja við rekstur grunn- og verkmenntaskóla í Úganda þar sem ungt fólk fær aðgengi að menntun, valdeflandi fræðslu og sálrænum stuðningi. Skólinn er einn af fáum í Úganda sem hafa aðgengi fyrir nemendur með fatlanir. Samtökin reka einnig leikskóla og heilsugæslu með ungmennamiðrari þjónustu, ásamt öðrum verkefnum. CLF samtökin voru stofnuð árið 2004 og hafa frá upphafi stutt yfir 2500 stúlkur til náms.