Menntun og mannréttindi barna eru mér afar hugleikin. CLF á Íslandi styður við grunnskóla CLF í Úganda. Sérstök áhersla er á stuðning við stúlkur sem koma úr erfiðum aðstæðum vegna fátæktar, , fötlunar, barneigna eða annarra ástæðna. Samhliða bóklegu námi er öllum nemendum boðið upp á hagnýtt verknám til að auka atvinnumöguleika og lífsgæði.

Áfram verður unnið að stækkun skólans, opnun heilsugæslu og leikskóla í nágrenni skólans, verkefnum til að bæta aðgengi nemenda að stafrænni tækni- og menntun, verkefnum til að draga úr barnahjónaböndum og ótímabærum þungunum og stuðningi við ungar mæður.

Markmið mitt er að auka sýnileika samtakanna hér á landi og hvetja fólk og fyrirtæki til að styðja við starfið með styrkjum eða mánaðarlegum framlögum, en allur ágóði rennur óskiptur til starfsins í Úganda og starfar CLF á Íslandi alfarið í sjálfboðaliðavinnu🧡