Í ár tökum við þátt í Reykjavíkurmaraþoni Íslandsbanka og leitum til ykkar með hlýju í hjarta.

Lyngás er lítil og sérhæfð leikskóladeild sem rekin er af Ási styrktarfélagi.

Þar er fötluðum langveikum börnum á aldrinum 0- 6 ára veitt þjálfun, leikskólamiðað uppeldi og umönnun sem miðar að þörfum hvers og eins.  Lögð er áhersla á einstaklingsmiðaða þjónustu með fjölbreytt viðfangsefni en þessi börn þurfa á vernduðu og sérhæfðu úrræði að halda. Áhersla er lögð á snemmtæka íhlutun og alhliða þjálfun.

Þar sem ekkert útileiktæki er við deildina langar okkur til að safna fyrir sérhæfðri rólu sem  kemur til móts við þarfir barna með sérþarfir í hjólastólum.