Við hlaupum fyrir leikgleðina!  

Viktor Nói og Álfheiður Lóa ætla að taka þátt í skemmtiskokkinu í Reykjavíkurmaraþoninu og safna fyrir Leikskóladeildina Lyngás, sem er sérhæfð deild fyrir 0-6 ára fötluð langveik börn.   

Á Lyngási fá börn einstaklingsmiðaðan stuðning og umhyggju, og nú er verið að safna fyrir útileiktækjum sem henta fjölbreyttum þörfum allra barna!

Þessi söfnun skiptir okkur miklu máli - þar sem mamma okkar hefur unnið mikið með börnunum á Lyngási og við vitum hversu einstök og dásamleg þau eru og hversu mikilvægt það er að þau hafi aðgang að fallegu og aðgengilegu útileiksvæði alveg eins og við.

Við viljum leggja okkar af mörkum svo öll börn geti notið þess að leika úti með bros á vör og óskum eftir þínum stuðning!