Í ár hlaupum við til minningar um Ástrós Ögn okkar, sem kvaddi þennan heim í janúar 2026 eftir kröftuga og hugrakka baráttu við krabbamein.

Ástrós var hjúkrunarfræðingur af lífi og sál og starfið átti einstaklega vel við hana. Henni var innilega annt um annað fólk og lagði sig fram um að veita umhyggju, hlýju og stuðning hvar sem hún kom. Hún var jafnframt algjör gella sem elskaði að gera sig fína og hafði einstakan hæfileika til að lýsa upp umhverfi sitt með brosi sínu, krafti og glæsileika.

Hlaupahópurinn okkar styrkir Ljósið, endurhæfingar- og stuðningsmiðstöð fyrir fólk sem greinst hefur með krabbamein og aðstandendur þeirra. Ástrós nýtti sér þjónustu Ljóssins mikið í sinni baráttu og var þeim ævinlega þakklát fyrir þann stuðning og styrk sem hún fékk þar. Málefninu var henni svo kært að hún hljóp sjálf fyrir hönd Ljóssins í fyrra.

Með þátttöku okkar viljum við heiðra minningu Ástrósar, halda áfram að styðja það mikilvæga starf sem Ljósið vinnur og safna fé til að hjálpa öðrum sem standa frammi fyrir svipuðum áskorunum. Við hlaupum með Ástrós í hjartanu og minnumst hennar með þakklæti, ást og stolti.