Hlaupahópur
Stuðningsliðið
Hleypur fyrir Börn með krabbamein
Samtals Safnað
Ákjósanleg greiðsluleið
Stuðningsliðið er hlaupahópur í Reykjavíkurmaraþoninu 2026 sem safnar fyrir Börn með krabbamein.
Einkunnarorð okkar eru:
Enginn ber þetta einn.
Hlauparar í Stuðningsliðinu safna áheitum og bera þyngd sem tákn um þá byrði sem fjölskyldur barna með krabbamein standa frammi fyrir. Fyrir hverjar 20.000 krónur sem safnast bætist eitt kíló við hópinn og á hverju kílói eru nöfn þeirra sem lögðu sitt af mörkum.
Þegar hámarksþyngd hópsins er náð heldur söfnunin áfram. Nöfn nýrra styrktaraðila bætast áfram við og markmiðið er alltaf það sama: að safna sem mestu fyrir Börn með krabbamein.
Átakinu fylgir einnig verkefnið Stuðningsliðið, þar sem stuðningsmenn keppa um hvaða íþróttafélag styður börn með krabbamein mest.
Viltu hlaupa með okkur?
Allir eru velkomnir, hvort sem þú ætlar að hlaupa 3 km eða maraþon.
Í Facebook-viðburðinum Stuðningsliðið - upplýsingar fyrir hlaupara finnur þú allar upplýsingar um hvernig þú skráir þig í hópinn, velur þína þyngd og tekur þátt.
Við hlökkum til að sjá sem flesta í Stuðningsliðinu þann 22. ágúst.
Börn með krabbamein
Börn með krabbamein, styrktarfélag var stofnað 1991 af foreldrum barna með krabbamein en árlega greinast 12-14 börn með krabbamein á Íslandi. Tilgangur félagsins er að styðja krabbameinssjúk börn og aðstandendur og gæta hagsmuna þeirra á öllum sviðum. Það sinnir fræðslu- og útgáfustarfsemi um sérstöðu og þarfir krabbameinsveikra barna og um síðbúnar afleiðingar eftir krabbameinsmeðferð. Hvatningarstöð félagsins er vestan við Olís-stöðina í Ánanaustum. Sjá viðburðinn: Hvatningarstöð Barna með krabbamein í Reykjavíkurmaraþoni 2026 https://www.facebook.com/events/1084584477472968
Hlauparar í hópnum
Sindri Sveinsson
Orri Davíðsson
Rafnar Ólafsson
Kristín Fanney Þorgrímsdóttir
Heiðar Bergmann Sigurjónsson
Nýir styrkir
