Hlaupahópur Jóns ❤️

Hlaupahópur Jóns er vinahópur. Stuðningshópur. Fjölskylda. Fólk sem hefur staðið með okkur og Jóni í gegnum árin og vill vera hluti af þessari vegferð.

Fyrir sex árum fæddist lítill drengur sem breytti lífi okkar að eilífu. Jón er ástæðan fyrir því að Þorláksskóli varð til. Hann varð til úr foreldraástinni til sonar okkar og trúnni á að hægt sé að gera betur.

Í haust verður Jón í fyrsta nemendahópi skólans. Það er draumur sem okkur hefði ekki órað fyrir að yrði að veruleika. En draumurinn nær lengra en til Jóns eins. Við viljum skapa stað þar sem fleiri börn fá að njóta sín og fjölskyldur finna þann stuðning sem við sjálf leituðum svo lengi að.

Þess vegna hlaupum við.

Hvort sem þú hleypur, gengur, heitir á hlaupara eða kemur einfaldlega til að hvetja, þá ertu hluti af Hlaupahópi Jóns. Með hverju skrefi og hverju framlagi hjálpar þú okkur að byggja framtíð sem við trúum að muni skipta máli fyrir mörg börn.

Takk fyrir að vera með okkur ❤️