Við vinkonurnar Andrea, Elísabet, Eyja, Katrín, Klara og Jóhanna ætlum að hlaupa saman í Reykjavíkurmaraþoninu og safna styrkjum fyrir Gleðistjörnuna.

Gleðistjarnan er góðgerðarfélag sem stofnað var til minningar um Þuríði Örnu Óskarsdóttur, sem lést 20. mars 2023. Málefnið stendur okkur sérstaklega nærri þar sem Þuríður Arna var systir Jóhönnu.

Markmið félagsins er að halda minningu Þuríðar á lofti með því að gleðja systkini langveikra barna með gjöfum, viðburðum og öðrum gleðistundum.

Við værum mjög þakklátar fyrir allan stuðning við þetta mikilvæga málefni 💜