Ég ætla hlaupa 10 kílómetra fyrir tengdamömmu, fyrir mig og fyrir starfsfólk og skjólstæðinga 11EG.

Elsku besta tengdamamma kvaddi okkur alltof snemma á síðasta ári. Þrátt fyrir erfiðar aðstæður fengum við að eiga ómetanlegar og dýrmætar síðustu stundir með henni, og fyrir það erum við starfsmönnum 11EG á Landspítalanum endalaust þakklát. Þau sýndu hlýju, umhyggju og alúð sem skiptir öllu máli þegar á reynir.

Ég er enginn hlaupari – hef aldrei notið þess að hlaupa – en nú ætla ég að hlaupa af heilum hug fyrir þá sem veita stuðning, kærleika og virðingu á erfiðustu tímum lífsins. Með hlaupinu vil ég safna styrkjum fyrir Minningar- og styrktarsjóð blóð- og krabbameinsdeilda Landspítalans, svo fleiri fjölskyldur fái sömu hlýju og stuðning og við fengum.

Takk fyrir að styðja við mig – og við þau sem styðja aðra.