Hlynur Snær var einn af þeim drengjum sem skildu eftir sig djúp spor í hjörtum allra sem þekktu hann - vingjarnlegur, hlýr og alltaf tilbúinn að hjálpa öðrum. Fráfall hans markaði djúp spor í hjörtu fjölskyldu hans og vina. Í minningu hans stofnuðum við Minningarsjóð Hlyns Snæs.

Í ár mun Minningarsjóðurinn styrkja Bergið headspace. Bergið veitir einstaklingsmiðaða ráðgjöf og þjónustu til ungmenna frá 12 til 25 ára. Með fræðslu og stuðningi finnum við leiðir í sameiningu að bættri líðan og eflum virkni ungmenna í samfélaginu. Þjónustan miðar að því að efla þátttöku og þekkingu ungmenna sem og að auka tengsl þeirra við samfélagið.

Þörfin fyrir þessa þjónustu er brýn og með því að styðja við unga fólkið okkar getum við saman gert samfélagið okkar betra - í anda þeirra gilda sem Hlynur Snær stóð fyrir.