Hlauparar
Samtals Safnað
Markmið
Ákjósanleg greiðsluleið
Þegar ég var um 3 ára greindist Guðfinna amma mín með Parkinsons aðeins 55 ára gömul. Ég var mikið hjá ömmu og afa þegar ég var lítil og kynntist þá vel sjúkdómnum. Þegar ömmu hrakaði bættust við ný og ný hjálpartæki og maður var sífellt að læra á nýja tilveru með ömmu. Amma lifði með sjúkdóminn í 20 ár og undir lokin fékk ég að fylgja henni seinustu mánuðina sem starfsmaður á elliheimilinu sem hún bjó á og kynntist þar enn betur öllu því sem fylgir umönnun einstaklinga með Parkinsons. Ég þekki því fátt annað en að amma hafi verið að glíma við þennan sjúkdóm en á sama tíma sér ég hversu gríðarlega mikil vinnan í kringum sjúkdóminn er. Þetta er sjúkdómur sem hefur áhrif á alla fjölskylduna og umturnar lífi fólks. Parkinsons samtökin standa mér því nærri og þykir mér vænt um þá vinnu sem þau gera fyrir fólk í sporum ömmu.
Parkinsonsamtökin
Takk fyrir að hlaupa fyrir Parkinsonsamtökin! Parkinsonsamtökin og Taktur veita endurhæfingu, fræðslu, ráðgjöf og stuðning fyrir fólk með Parkinsonsjúkdóm og skylda sjúkdóma, ásamt því að vinna að bættum lífsgæðum fyrir skjólstæðinga sína og aðstandendur. Við bjóðum alla okkar hlaupara velkomna á **Upphitun fyrir Reykjavíkurmaraþon** í Skátalundi við Hvaleyrarvatn laugardaginn 31. maí kl. 10:00. Þar mun Arnar Péturs, landsliðshlaupari og hlaupaþjálfari, halda fræðsluerindi og leiða létta æfingu með góðum ráðum fyrir hlaupadaginn. Boðið verður upp á léttar veitingar að lokinni æfingu. Aðgangur er ókeypis en nauðsynlegt er að skrá þátttöku á https://parkinson.is/reykjavikurmarathon/ Fylgstu með fréttum fyrir hlaupara Parkinsonsamtakanna á Facebook: https://www.facebook.com/groups/hlaupastyrkur/ Takk fyrir að hlaupa og styðja Parkinsonsamtökin!
Nýir styrkir
