Hlauparar
Samtals Safnað
Markmið
Ákjósanleg greiðsluleið
Ég er að hlaupa fyrstu 10 km í reykjavíkur maraþoninu og ætla ég að hlaupa til styrktar Hugarafls. Ég ætla að hlaupa fyrstu 5 km nokkuð venjulega og seinni 5 km í pandabúning merktum Hugarafli 🤪
Ég mætti fyrst í Hugarafl árið 2019 eftir að ég var alveg búin að gefast upp á lífinu (eða svo ég hélt).
Hugarafl hefur bjargað lífinu mínu oftar en einu sinni og þeim verð ég ævinlega þakklát❤️ Hér hjá Hugarafli hef ég öðlast mikinn bata og fengið að kynnast valdeflingu og er ég ofboðslega stolt af þeirri manneskju sem ég er í dag.
Svo má ekki gleyma því að hér hef ég eignast dásamlega fjölskyldu sem hafa alltaf trú á mér þó svo ég hafi hana stundum ekki sjálf. Þessi félagssamtök hefur heldur betur gefið lífinu mínu lit og viljann til þess að halda áfram með lífið en til þess að sýna þeim þakklætið mitt að þá vil ég hlaupa fyrir þau og styrkja þessi yndislegu félagssamtök❤️
Hugarafl
Hugarafl eru félagasamtök fólks sem hefur upplifað persónulega krísu og vinnur að persónulegum bata sínum. Við erum stærstu grasrótarsamtök fólks með andlegar áskoranir á Íslandi og látum rödd okkar heyrast varðandi geðheilbrigðismál. Félagið var stofnað árið 2003. Starfsemi Hugarafls er mótuð bæði af einstaklingum með persónulega reynslu af andlegum áskorunum (stundum kallað notendur) og einstaklingum með fagmenntun. Þátttaka í starfsemi Hugarafls er fyrir öll, 18 ára og eldri, sem hafa áhuga á að vinna í geðheilsu sinni á eigin forsendum. Starfsemin er algjörlega gjaldfrjáls, óháð búsetu og engin krafa er gerð um tilvísanir né geðsjúkdómagreiningar.
Nýir styrkir
