Í ár hleyp ég hálft maraþon til styrktar Parkinsonsamtökunum - samtökum sem skipta mig persónulega máli. Tengdapabbi minn greindist með Parkinson fyrir tæpum 15 árum, og í gegnum hans baráttu hef ég séð hversu miklu máli skiptir að veita einstaklingum með sjúkdóminn og aðstandendum þeirra stuðning, fræðslu og úrræði.

Parkinsonssjúkdómur hefur áhrif á fjölmarga á Íslandi, bæði þá sem greinast og fjölskyldur þeirra. Starf Parkinsonsamtakanna er mikilvægt – hvort sem það er fræðsla, hvatning til hreyfingar, samverustundir eða stuðningur við rannsóknir og nýjungar í meðferð.

Með því að hlaupa vil ég leggja mitt af mörkum til að styðja þetta góða starf – og hvet öll sem geta til að styrkja Parkinsonsamtökin með mér. Allt telur og skiptir máli.