Hlauparar
Samtals Safnað
Markmið
takk fyrir stuðninginn!
Ég ætla að fara 10 km til styrktar Nýrnafélaginu en mamma hefur notið stuðnings og fræðslu þeirra undanfarin ár. Mamma var sem barn og unglingur með sjúkdóm sem skemmir nýrun og það var ekki fyrr en hún var komin fram á fullorðinsaldur sem hún fær greiningu ásamt viðeigandi meðferð. Þetta reynist vera arfgengur fjandi en þökk sé síðari tíma læknisfræði fengum við systkinin rétta meðferð snemma á lífsleiðinni sem verndaði nýrun. Ég mun að mestu labba þessa 10 km og hugsanlega hlaupa eitthvað smá, einnig kallað "hlabba".
Nýrnafélagið
Markmið Nýrnafélagsins er að styðja alla nýrnasjúka og aðstandendur þeirra og einnig að stuðla að forvörnum til að hægja á nýrnabilun. Nýrnafélagið vinnur að því að allir nýrnaveikir fái bestu meðferð sem er í boði hverju sinni. Hjá félaginu fást upplýsingar um sjúkdóma í nýrum og meðferð við þeim. Fréttabréf er gefið út og haldnir eru fræðslu- og skemmtifundir. Tengslahópur nýrnasjúkra og aðstandenda þeirra veitir þeim sem veikjast stuðning. Einnig er starfræktur hópur foreldra nýrnasjúkra barna í tengslum við Umhyggju. Félagið býður upp á tíma hjá fjölskyldufræðingi og hjá næringarfræðingi gjaldfrjálst til allra sinna félaga.
Nýir styrkir
