Jæja, þá er aftur komið að því. Ég ætla að demba mér í hálfmaraþon! En mig vantar aðstoð ykkar. Þannig er mál með vexti að í ár langar mig til þess að safna áheitum fyrir minningarsjóð Bryndísar Klöru og tel ég það vera mjög mikilvægan málstað. Markmið sjóðsins er að styðja við almannaheillaverkefni sem miða að vernd barna gegn ofbeldi og að efla samfélag þar sem lögð er áhersla á samkennd og samvinnu. Sjóðurinn leggur áherslu á að styrkja fræðslu, rannsóknir og verkefni sem miða að því að fyrirbyggja ofbeldi barna. Endilega styrkið þennan frábæra málstað. Verum riddarar kærleikans.