Ég er að fara í maraþonhlaup með dóttur minni, Sunnu Valdísi. Hún er 18 ára, klár, þrautseig og einstök og hún lifir með sjaldgæfum og alvarlegum taugasjúkdómi sem heitir Alternating Hemiplegia of Childhood (AHC).

AHC veldur lömunarköstum, flogum, hreyfiskerðingu og miklum áskorunum í daglegu lífi. Það eru aðeins örfá börn í heiminum með þennan sjúkdóm – og rannsóknir fá litla athygli eða fjármagn.

Við höfum barist saman alla hennar ævi. Nú ætla ég að hlaupa með henni til að vekja athygli og safna fé fyrir rannsóknir og betri meðferð fyrir börn með AHC.