Ég er búinn að vera formaður Björgunarsveitarinnar Kyndils í vel á þriðja ár og reyni að sinna því ábyrgðarhlutverki vel. Það er í mínum huga mjög gefandi hlutverk að halda utan um björgunarsveitina sína og vinna að því að bæta viðbragðsgetu hennar með kaupum á björgunarbúnaði þegar fjárhagurinn leyfir. Nú nýlega fengum við afhentan nýjan Buggy bíl sem mun koma sér vel í þeim miklu víðernum sem eru í Skaftárhreppi þegar kallið berst. Þá er viðhald á bæði húsnæði og öðrum tækjum Kyndils kostnaðarliðir sem vega nokkuð þungt þessi misserin. Hlaup og hreyfing eru vaxandi áhugamál hjá mér og ég vona að sem flestir sjái sér fært að heita á mig og munum að margt smátt gerir eitt stórt.