Hlauparar
Ingibjörg Reykjalín Ragnarsdóttir
Hleypur fyrir Minningarsjóður Jennýjar Lilju
Samtals Safnað
takk fyrir stuðninginn!
Ég ætla að hlaupa fyrir Minningarsjóð Jennýjar Lilju en í ár ætlar hann að safna fyrir Corplus 1 hjartastuðtæki og Monitor fyrir Björgunarsveitin Kára í Öræfum, sem er að byggja upp vettvangshóp í Öræfunum. Þessi hópur er fyrsta viðbragð fyrir allt of stórt svæði, á þessu svæði hafa orðið mörg alveg bílslys og slys á undanförnum árum og liðsmenn Kára verið fyrstir á vettvang. Því er mikivægt að þau séu góðum tækjum búin til að hjálpa þeim við að hjálpa okkur.
Áheiti ykkar hjálpar við uppbyggingu þessa mikilvæga hóps í Öræfunum.
Minningarsjóður Jennýjar Lilju
Þann 24 október 2015 lést Jenný Lilja af slysförum aðeins 3 ára gömul. Fjölskylda Jennýjar Lilju stofnuðu minningarsjóð í minningu hennar. Tilgangur sjóðsins er að styrkja einstaklinga sem misst hafa ástvin á barnsaldri, vinahópa/vinnufélaga til að sækja sér fræðslu og einnig viðbragðsaðila til tækjakaupa. 🚨 Styðjum Björgunarsveitina Kára í Öræfasveit! 🏃♀️❤️ Í ár tekur Minningarsjóður Jennýjar Lilju þátt í Reykjavíkurmaraþoni Íslandsbanka. Markmiðið í ár er að styrkja Björgunarsveitina Kára sem er staðsett í Öræfasveit. Innan sveitarinnar er starfandi vettvangsliðahópur sem sinnir útköllum eins og slysum og bráðum veikindum. Öræfin eru afskekkt svæði og langt er í næstu starfstöðvar sérhæfðrar heilbrigðisþjónustu (sjúkraflutningar og heilsugæsla) sem eru á Kirkjubæjarklaustri og Höfn en þar á milli eru 201 km. Öræfin eru mitt á milli þessara þéttbýliskjarna og fer um þetta svæði mikill fjöldi ferðamanna. Minningarsjóður Jennýjar Lilju mun safna áheitum fyrir – hjartastuðtæki og monitor (Corplus 1) sem er nauðsynlegt tæki sem getur bjargað mannslífum þegar sekúndurnar skipta máli. 🌄 Allir eru velkomnir að hlaupa fyrir Minningarsjóð Jennýjar Lilju og styðja þannig uppbyggingu vettvangshóps Björgunarsveitarinnar Kára. 💙 Með þínum stuðningi hjálpar þú til við að bjarga lífum. 👉
Nýir styrkir
